ACTUALIDADE - ÚLTIMAS NOVAS

O Concello de Ribadumia informa de que mañá continúan as noites de verán cunha actuación musical para maiores e pequenos, onde a Banda Municipal de Ribadumia e o grupo local Sufre Mamón se unirán para ofrecernos un concerto único. Unha escusa perfecta para desfrutar da noite do venres en Ribadumia, onde esta oferta musical porá o colofón perfecto a un día de verán, e será unha boa oportunidade para desfrutar do ocio en familia. A actuación “Voy a pasarmelo bien” terá lugar na Carballeira de Barrantes as 22 horas da man da Banda Municipal de Ribadumia e Sufre Mamón. E a próxima semana teremos dúas citas, por unha banda a continuación da programación das noites de verán o día 26 de xullo, co cine ó aire libre con “Campeones”. Película que se proxectará a partir das 22:30 h. na Praza do Concello. Pero xa o martes día 23 de xullo as 12 horas no Auditorio de Ribadumia, poderemos desfrutar dun concerto a cargo do pianista ruso Andrey Yaroshinsky ó cal convidamos a todos pois é unha oportunidade única. Entrada libre.

O Concello de Ribadumia informa de que a semana do 29 de xullo ó 6 de agosto a unidade móbil de Inspección Técnica de Vehículos (ITV) para vehículos agrícolas estará na Explanada do Pavillón de Deportes de Ribadumia dentro da campaña que se está levando a cabo na provincia de Pontevedra para facilitar a inspección dos vehículos agrícolas dentro da prevención de riscos no seu uso. Deste xeito as persoas interesadas deberán presentarse cos seus vehículos no lugar indicado antes levando a documentación dos mesmos en horario de 9 a 13 horas e de 15:15 a 18 horas, a excepción dos días 2 e 6 de agosto onde só se realizarán inspeccións en horario de mañá. A admisión de vehículos con características particulares estará condicionada á posibilidade de realizar as operacións de inspección regulamentarias. E para solicitar cita previa poden facelo a través dos seguintes medios: no teléfono 902309000 ou en www.sycitv.com

O Concello de Ribadumia informa que deron comezo os traballos de limpeza e mantemento dos contedores ubicados ao longo do municipio. En total, preto de 700 contedores serán limpos nos próximos días nas súas ubicacións actuaís. Deste xeito os contedores serán lavados mediante un vehículo lavacontenedores de alta presión. Vehículo que ademais vai permitir evitar un excesivo consumo de auga, e minimizar o tempo de limpeza de cada contenedor e polo tanto dos traballos en xeral. Estes traballos de limpeza dan comezo despois dunha planificación previa realizada entre traballadores municipais e a propia empresa de limpeza, posto que para axilizar e optimizar o servicio, debido o número elevado de contedores, faise preciso ter comunicadas as rutas do camión da recollida de basura coa do vehículo lavacontenedores. Dita acción de limpeza e mantemento, esencial nesta época estival para evitar cheiros que poidan incomodar os veciños, e manter así a boa imaxe turística do noso municipio, ronda un orzamento estimado de 7000,00 €. Nestas datas, ano tras ano, o concello de Ribadumia intensifica a súa limpeza, facendo fronte tamén deste xeito o prexudicial do calor no que o tratamento da basura se trata.

O Concello de Ribadumia informa que deron comezo os traballos das obras para a construción dun muro e ampliación de camiño en Puxafeita, obras que se executarán cun orzamento de 41.315,68€ do Plan Concellos. Estas obras teñen o fin de proporcionar unha mellor accesibilidade e seguridade a un tramo dunha vía municipal no entorno próximo ao lugar de Puxafeita. Trátase dun tramo de pista estreito, con escasa visibilidade e cunha curva pronunciada, no cal dous vehículos apenas poden cruzarse en sentido contrario. Ó que hai que engadir a alta densidade de tráfico nos últimos tempos posto que se utiliza por veciños de Meis e Ribadumia posto que comunica a parroquias dos dous municipios e para achegarse á fonte de Puxafeita. As obras a realizar consistirán na execución dun muro de contención de pedra granítica con cimentación de formigón e pavimentación do firme aínda que previamente será preciso o recheo e compactación de terras. Este proxecto compleméntase co xa incluído no de ampliación e mellora de varios camiños entre os que se atopan outro tramo do de Puxafeita, Freixo, Casal e Leiromeán. O proxecto total ascende a 47.547,24 € do Plan Concellos da Deputación, das cales xa están executadas as obras de Freixo, Casal e Leiromeán, quedando pendente o outro tramo de Puxafeita.

Os primeiros datos estatísticos recollidos na Oficina Municipal de Turismo de Ribadumia recollen un total de 748 visitantes desde o 15 de maio ata o 30 de xuño, cun total de 41 días de rexistro en horario de martes a venres, de 9:30h a 13:30h e de 16:30h a 19:30h, e sábados, domingos e festivos de 9:30h a 13:30h. Este ano é o primeiro en que se recollen datos completos deste período xa que a oficina permaneceu aberta desde a ponte festiva do 17 de maio e, aínda que por este motivo non se pode establecer unha comparativa con anos anteriores, os datos e as previsións son positivos, prevéndose un aumento das visitas en consonancia co que se espera para toda a comarca. Dentro do perfil de visitante, neste período rexistráronse os seguintes datos:  O 40% foron peregrinos: 301 visitantes percorreron a Variante Espiritual do Camiño de Santiago.  O 27% foron turistas: 199 visitantes pernoctaron un mínimo dunha noite na comarca.  O 33% foron excursionistas: 248 visitantes que se achegaron a Ribadumia sen pernocta. Dentro da procedencia, os visitantes internacionais foron 242, un 32% do total, e os nacionais 506, un 68%. Estes datos confirman, ata o de agora, a tendencia do ano 2018 en que o turismo internacional tivo unha maior importancia nos meses non centrais do verán (setembro e outubro) chegando a un 36% do total de visitantes, mentres que foi sensiblemente inferior nos meses de xullo e agosto, un 14% e un 9%, respectivamente, cunha media de xullo a outubro do 18%. Respecto do turismo nacional, a maior porcentaxe, un 54%, proceden da nosa comunidade autónoma (273), seguidos por Madrid (11%) e Castilla y León (7%). Outro dato salientable deste período é que os peregrinos (o 40% do total de visitantes) foron nun 77% de procedencia internacional, sendo a primeira vez que Italia, con 58 visitantes (un 24%) supera a Portugal (20%) e Alemania (10%). Aumenta, así mesmo, o número de visitantes procedentes de Norteamérica: Estados Unidos e Canadá ocupan o 4º e 5º lugar con, respectivamente, un 7% e un 5% do total de visitantes de procedencia internacional. Os principais recursos e productos demandados, aínda que encabezados pola Ruta da Pedra e da Auga e a Variante Espiritual, foron máis diversificados en maio e xuño, indo desde rutas de sendeirismo, en especial a Ruta do Umia, espazos naturais, lugares de interese patrimonial tanto en Ribadumia coma no Salnés, adegas e experiencias enoturísticas, festas e gastronomía.

Dende o 29/07/2019 ao 06/08/2019 unha unidade móbil de Inspección Técnica de Vehículos estará dispoñible na explanada situada ao lado do Pavillón Municipal de Ribadumia. Consulte os detalles no anexo.

Arquivo/s adxunto/s

• Arquivo adxunto-1

O Concello de Ribadumia informa que hoxe, día 11 de xullo, terá lugar a partir das 21:00 horas unha sesión EXTRAORDINARIA de Pleno Municipal no Salón de Sesións da Casa Consistorial. Consulte a orde do día no documento adxunto.

Arquivo/s adxunto/s

• Arquivo adxunto-1

O Concello de Ribadumia informa que veñen de mellorarse os contedores para o servizo de recollida de aceite de cociña doméstico en 4 puntos do municipio. Estas actuacións supoñen o cambio da boca dos contedores existentes, aumentando o seu tamaño para facilitar que se poidan depositar garrafas de 5 litros, favorecendo así a reciclaxe. Os contedores de aceite modificados son aqueles situados nas zonas de maior recollida: o situado ó lado do centro de saúde (Ribadumia), os da rúa Valle Inclán e Avda. Bouza Martín (nos accesos á Carballeira) en Barrantes e o situado no lugar de Carrasqueira en Sisán. Todo isto vén incrementar as melloras realizadas recentemente na recollida selectiva do Concello de Ribadumia cun importante aumento de contedores onde os veciños poidan depositar as botellas de aceite, pasando dos 6 existentes ata 2018 a un total de 14, repartidos por todas as parroquias do municipio, mantendo e aumentando os puntos de recollida de forma totalmente gratutíta.

O Concello de Ribadumia informa que esta semana deron comezo os traballos das obra para a “Mellora da seguridade viaria nos accesos á gardería municipal, ao CPI Julia Becerra, pavillón polideportivo e campo de fútbol A Bouza”, obras que se executarán en 3 meses e que ascenden a un orzamento de 186.644,41 €, cofinanciado entre Deputación de Pontevedra e Concello de Ribadumia. As obras a realizar consistirán: • Execución de beirarrúas nas marxes da rúa, primando a marxe dereita para o transito seguro ata o colexio e gardaría municipal. • Execución da zona reservada para o estacionamento dos vehículos na marxe dereita da rúa, desde a Rúa Bouza Martin hasta a Rúa Espadeiro e na fronte da Gardaría e pavillón polideportivo. • Colocación de tres Pasos de Peóns Sobreelevados (PPS), contemplando tanto a colocación dos elementos de calmado de trafico como a sinalización horizontal e vertical correspondente, limitando a velocidade da zona a 30 Km/h, incrementando desta forma a seguridade do peón a hora de cruzar as rúas. • Execución da sinalización horizontal e vertical en todo o tramo indicado, contemplando a sinalización vertical mediante sinais de aceiro galvanizado. • Mellora da drenaxe superficial da vía mediante a execución dunha rede de pluviais de PVC pola marxe dereita da rúa e na zona paralela o pavillón polideportivo • Traslado de 2 luminarias existentes na actualidade na zona de actuación. • Pavimentación da Rúa Valle Inclán. Para facer isto posible será preciso realizar diferentes cortes de rúa ó tráfico de xeito intermitente e por tramos, existindo sempre vías alternativas para os accesos. No caso de cortes imprescindibles sen alternativa de acceso, a empresa encargada da execución das obras, realizará comunicacións previas avisando dos mesmos con antelación suficiente.

Visitar sitio web

Hoxe asistimos á Subdelegación do Goberno en Pontevedra onde se presentou o estudo "El impacto de la violencia de Género en España: una valoración de sus costes en 2016" (http://www.violenciagenero.igualdad.mpr.gob.es/laDelegacionInforma/pdfs/ESTUDIO_IMPACTO_VG_VALORACION_COSTES_2016.pdf).

O Concello de Ribadumia informa de que xa deu comezo a Escola de Verán, que este ano acollerá un total de 128 nenos e nenas, o que supón un incremento respecto dos anos anteriores. Como cada ano a escola de verán chega co obxectivo de favorecer a conciliación da vida laboral e familiar, procurando para os nenos un espazo e actividades onde relacionarse, divertirse e tamén aprender mentres prima o aspecto lúdico. Para isto os nenos e nenas farán durante este verán actividades diversas (obradoiros, charlas, saídas, plástica, cancións, dramatizacións, deporte...) en prol de concienciarse sobre a importancia de adquirir dende idades temperás condutas que favorezan a non discriminación na nosa sociedade. Así teremos un “verán pola igualdade” onde a igualdade e a non discriminación serán un eixe para esta escola. Nesta programación hai que engadir as actividades que se van a realizar en colaboración cas entidades culturais e deportivas do municipio e agradecer esta participación coa escola de verán. Entre todas estas actividades lúdicas, haberá talleres de cociña, club de lectura, inglés, e actividades especiais como “avó, avoa, cóntame un conto”. Así como unha nova edición da xornada de Mini BTT que será conxunta para todos os campus organizados no concello, así como a xornada de convivencia. Por último, queremos agradecer a todas as entidades que, dun xeito ou outro, colaboran coa Escola de Verán, facendo posible gran parte das actividades organizadas: os membros de Protección Civil, Escola Municipal de Mini BTT, o grupo de teatro Alecrín, a Agrupación Músico Cultural de Ribadumia, o Club Nautico O Muiño, Desguaces Tino, autoescola Barrantes, Asociación Gotas e CIM (centro de información á muller).

Arquivo/s adxunto/s

• Arquivo adxunto-1

O prazo para inscribirse neste campus é ata mañá, día 2 de xullo. O Campus Tecnoxove Ribadumia é un proxecto innovador que constará de 3 talleres a realizar os sábados de 9 a 14 horas durante os meses de xullo, agosto e setembro dirixido a xóvenes entre 14 e 30 anos de Ribadumia e comarca Os tres talleres serán: Sábados dende o 6 de xuño ao 28 de setembro. E impartiranse na Casa de Cultura de Ribadumia. - Deseño e impresión en 3D: mes de xullo - Robótica: Mes de agosto - Programación e deseño de videoxogos: mes de setembro Nos 3 talleres, as persoas xóvenes aprenderán que a tecnoloxía é una ferramenta poderosa para cambiar e mellorar a súa contorna, a súa empregabilidade e para aportar solucións que se nutran da imaxinación e a creatividade, sendo pois un magnífico fío condutor de decenas de habilidades que as futuras xeracións precisarán no seu día a día. As persoas participantes dividiranse en 2 grupos: - De 14 a 18 anos: sábados de xullo a setembro de 9 a 11:30 horas - De 19 a 30 anos: : sábados de xullo a setembro de 11:30 a 14 horas Será terá un carácter TOTALMENTE GRATUITO para todos os participantes xa que conta con financiación da Xunta de Galicia, Consellería de Política Social, Dirección Xeral de Xuventude dentro do Programa Iniciativas Locais e a implicación total do Concello de Ribadumia coa promoción do talento a empregabilidade e o compromiso firme cunha educación baseada na excelencia.

Arquivo/s adxunto/s

• Arquivo adxunto-1

Logo da constitución formal da nova Corporación municipal o pasado día 15, o Alcalde David Castro procedeu a designar as distintas áreas en que se vai estruturar o novo goberno do Concello de Ribadumia, así como ós concelleiros responsables das mesmas, do que se dará debida conta ó Pleno na sesión extraordinaria que se prevé realizar a principios da vindeira semana. Segundo isto, o goberno municipal estrutúrase da seguinte forma: Concellería de Contas, Economía, Facenda, Persoal e Réxime Interno: Dª María do Pilar Martínez Troncoso Concellería de Deportes e Xuventude: D. Juan Carlos Esperón Prado Concellería de Educación, Cultura e Patrimonio: Dª María del Mar Rey Pérez Concellería de Eventos e Participación Veciñal: Dª María del Mar Moimenta Otero Concellería de Medio Ambiente, Parques e Xardíns: D. Miguel Castro Chaves Concellería de Obras, Servizos e Urbanismo: Dª María del Mar Moimenta Otero Concellería de Promoción Económica, Agricultura, Industria, Comercio e Emprego e Protección Civil: Dª Beatriz Martínez Cacabelos Concellería de Relacións Institucionais, Transparencia, Comunicación, Novas Teconoloxías e Turismo: Dª María do Pilar Martínez Troncoso Concellería de Servizos Sociais, Terceira Idade e Sanidade: Dª Sofía Núñez Martínez Con esta pequena reorganización, e en relación coa pasada lexislatura, mantéñense practicamente as mesmas concellerías, creando unicamente unha nova Concellería de Relacións Institucionais, Transparencia, Comunicación, Novas Tecnoloxías e Turismo. Todas estas áreas serán coordinadas polo Alcalde, David Castro, que proporá a creación das correspondentes comisións informativas nas que se pretende, igual que na lexislatura pasada, incluír a todos os grupos municipais con representación na Corporación Municipal, dándolles a máxima presenza na mesma a todos eles polo que volverán estar compostas por 11 membros: o Alcalde, 5 concelleiros de Independientes por Ribadumia, os 3 concelleiros do Partido Popular e os 2 concelleiros do Grupo Mixto conformado por PSdG-PSOE e Somos Ribadumia. Finalmente, durante esta semana constituirase tamén formalmente a Xunta de Goberno, unha vez que José Ramón González Lede, concelleiro electo do PSdG-PSOE, decida se acepta ou non o ofrecemento feito polo Alcalde David Castro de formar parte da mesma en calidade de Tenente Alcalde.

O Concello de Ribadumia informa de que este sábado, día 22 de xuño, abrirase ao público a Piscina Municipal. Todos os interesados poden acudir á Casa Consistorial a renovar ou solicitar o seu carné de acceso. Con este documento, as taxas polo uso da piscina serán de 1€ para toda a tempada para os veciños e veciñas de Ribadumia. No caso dos residentes noutros concellos, o importe ascenderá a 30€ ao mes para nenos e nenas ata os 9 anos e 50€ por mes a partir dos 10. En caso de non ter a credencial, os pequenos de ata 9 anos poderán acceder ás instalacións por 1,50€ ao día, 3€ no caso dos maiores desta idade. Para solicitar o carné, os usuarios deberán aportar unha fotocopia do DNI, dúas fotos tamaño carné, unha fotocopia da tarxeta sanitaria, a súa dirección actual e un número de teléfono. A piscina, situada nas instalacións náuticas de Cabanelas, permanecerá aberta dende o sábado e ata mediados de setembro, cun horario de 15:00 a 21:00 horas tódolos días da semana. Aínda que contará coa pertinente vixilancia de socorristas, os menores de 10 anos deberán ir sempre acompañados dun adulto. Todos aqueles que precisen máis información, poden consultar o regulamento na plataforma online do Consistorio (omeuconcello.ribadumia.org) no “Portal de transparencia”, apartado de “normativas, taxas e impostos”; chamar ao 986 71 84 91, ou achegarse ás oficinas do Concello, de luns a venres de 8:00 a 14:00 horas ou sábados de 9:00 a 13:00 horas.

A partir de hoxe atópase dispoñible o listado definitivo de admitidos/as na Escola de ocio-verán 2019, que dará comezo o vindeiro día 24 de xuño. Podedes consultalo no taboleiro de anuncios da Casa do Concello ou chamando ao 986718491.

Data límite: San Xoán: 15 de xuño San Pedro: 22 de xuño

Arquivo/s adxunto/s

• Arquivo adxunto-1

A escola infantil de Ribadumia comeza o novo curso escolar 2019-20 con 90 alunmos . A garderia conta con 42 nenos de novo ingreso: -3 nenos nacidos no ano 2017 -26 nenos nacidos no ano 2018 -13 nenos nacidos no ano 2019 A creación da Escola Infantil 0 – 3 Municipal de Ribadumia ven atendendo unha demanda moi necesaria no Municipio desde que se inaugurou en setembro de 2004 ,naquel entonces contaba con tan só tres aulas ,unha por cada tramo de idade, na actualidade dispón de 7 aulas . Este é un dos servizos mais demandados polas familias para poder conciliar as responsabilidades laborais e familiares. O seu horario de funcionamento e de 8:00 horas ata as 20:30. As familias que fixeron a reserva de praza para o seu fillo/a, deberán recoller a documentación para formalizar a matricula na propia garderia,o prazo máximo para entregala será ata o 14 de xuño.

A partir de hoxe atópase dispoñible o listado provisional de admitidos na Escola de ocio-verán 2019, que dará comezo o vindeiro día 24 de xuño. Podedes consultalo no taboleiro de anuncios da Casa do Concello ou chamando ao 986718491.

O Concello de Ribadumia informa de que ata o próximo día 24 de maio está aberta a IV Convocatoria de receitas “Quere o teu mercado” destinado aos nenos de infantil, primaria e secundaria do Concello de Ribadumia. Os traballos deberán estar redactados en galego e empregando produtos do noso mercado para a súa elaboración, ademáis de presentarse en formato A4 (tamaño folio) facendo constar na parte dianteira o nome e curso do neno e na parte posterior o número de contacto. Así como entregarse os mesmos na urna sita no Concello. Mandís, bolsas reutilizables ou caramelos para regalar aos clientes, foron algúns dos obsequios recibidos, no marco da campaña “Quere o teu mercado”, polos rexentes dos catro negocios instalados na praza de abastos de Ribadumia. A iniciativa “Quere o teu mercado”, promovida a nivel internacional, ten como obxectivo promocionar os mercados locais, que xogan un papel fundamental como elementos que axudan a revitalizar e dinamizar os núcleos urbanos. Así mesmo, as prazas fomentan o consumo de alimentos frescos e de produción próxima, o que supón un gran beneficio tanto para vendedores e produtores locais como para o cliente, que atopa un servizo máis persoal e, en moitos casos, máis económico. A proximidade dos produtos de consumo, ademais, é cada vez máis importante, non só a nivel local, senón tamén á hora de promover a protección do medio ambiente e a xeración de riqueza nas pequenas comunidades. A isto hai que engadir a campaña nas redes, pola que compartir unha foto ou máis no facebook ou instagram da campaña “Quere o teu mercado” nomeando o perfil @quereoteumercado e entregarán agasallos de mochila térmica e mandil da campaña.

Arquivo/s adxunto/s

• Arquivo adxunto-1

O Concello de Ribadumia informa que o próximo día 23 de maio, a unidade móbil de doazón de sangue estará xunto ao Concello en horario de 10 a 14 horas e de 16 a 21 horas. Una acto que pode resultar tan sinxelo supón unha oportunidade de vida para moitas persoas cada día. Deste xeito dende a Axencia de Doazón de órganos e sangue solicitan a colaboración de todos para tratar de acadar as 500 doazóns de sangue que se precisan diariamente.

Arquivo/s adxunto/s

• Arquivo adxunto-1