ACTUALIDADE - ÚLTIMAS NOVAS

O Concello de Ribadumia informa que o próximo venres día 23 de novembro, en horario de 10 a 14 horas terá lugar no Anfiteatro do Auditorio Municipal de Ribadumia a IV Xornada de Emprego. O Concello de Ribadumia da continuidade así a unhas xornadas que tratan de achegar tanto as ofertas de emprego ós veciños e veciñas do municipio e da contorna, como formación e pautas para mellorar a busca de emprego e que os resultados sexan óptimos. Deste xeito o programa previsto da comezo coa presentación do servizo de Orientación Laboral do Concello de Ribadumia, así como da oferta formativa deste e das axudas municipais dispoñibles para emprendedores/as. A continuación será a presentación das empresas de traballo temporal, Synergie O Grove e Eurofirms Vilagarcía, as cales estarán realizando entrevistas persoais durante toda a xornada. Tamén nos acompañará a asociación AEIGA (Asoc. De empresas de insercción laboral de Galicia) que explicará o seu papel na inclusión laboral de persoas en risco de exclusión social. A media mañá terá lugar a mesa redonda sobre emprego e discapacidade, dando resposta a cuestións como ¿ é recomendable comentar nunha entrevista de traballo que teño unha discapacidade recoñecida?. Para isto estarán con nos COGAMI, FAXPG ou inserta empleo. Por suposto as TIC, dada a súa relevancia na sociedade 4.0, terán o seu momento durante o cal se fará énfase no teléfono móbil como ferramenta de procura de emprego. Baixo o título da ponencia “APPúntaste a traballar??!!!” será José Antonio Piñeiro Sineiro, membro de AFIPRODEL Galicia o encargado de tratar o área TIC no emprego e reflexionar sobre os principais erros a evitar nunha entrevista de traballo. E para pechar unha xornada con eminente carácter práctico que mellor que unha ponencia que nos axude a movilizar os recursos persoais cos que conta cada unha das persoas que participan desta xornada para esa procura de emprego ou para deixar voar o seu espíritu emprendedor. Esta motivación virá da man de SUMA IMPORTANCIA, especialistas en comunicación e emprendemento.

Arquivo/s adxunto/s

• Arquivo adxunto-1

O Concello de Ribadumia informa que no campo de fútbol municipal de A Bouza, na Parroquia de Barrantes, se está a construir unha caseta de servizos na área de prolongación da bancada do campo de fútbol, a cal está ademais proxectada e calculada de tal forma que no seu día poida albergar unha nova bancada ou outros servizos para os equipos deportivos. Dita caseta terá unhas dimensións de 24 metros de longo por 4 metros de ancho, e o seu interior será un espazo único cuxa principal función será servir de almacén para o material e as necesidades diarias do club de fútbol local, o Umia CF. Dita construción ten un orzamento de 47.565,91 € e da resposta as reiteradas demandas do Umia CF dende fai anos. Ó tempo que ven a completar anteriores actuacións tamén solicitadas pola entidade deportiva e que se foron resolvendo do xeito progresivo como as actuacións realizadas na cantina que supuxeron un investimento de máis de 8.000,00 €. Así continúase dando resposta as necesidades dos veciños e veciñas de Ribadumia. Ó mesmo tempo que se mostra día tras día o apoio do Concello de Ribadumia co deporte tratando, sempre dentro das posibilidades, de mellorar as instalacións deportivas para que os nosos deportistas teñan as mellores condicións para practicar cada unha das disciplinas implantadas no municipio.

Arquivo/s adxunto/s

• Arquivo adxunto-1

Comunícase nova alerta laranxa remitida pola Axencia Galega de Emerxencias por fenómenos meteorolóxicos adversos por vento e choiva a partir das 10 hroas do día 9 de novembro, nas que se espera que poidan chegar a acumularse 80mm en 12 horas. Polo tanto, e tendo en conta que a Xunta de Galicia tamén recomendou a suspensión das actividades exteriores nos centros educativos, deixando a decisión da suspensión definitiva a criterio das direccións dos centros, recoméndase desde o Concello que se suspendan as actividades deportivas que estea previsto levar a cabo en instalacións municipais como mínimo durante as 12 horas en que se prevé a alerta por chuvia, se ben serán os equipos directivos os que deberán tomar a decisión definitiva en función de como vaia evolucionando a meteoroloxía nas vindeiras horas.

Arquivo/s adxunto/s

• Arquivo adxunto-1

O próximo día 8 de novembro as 20 horas, terá lugar a sesión ordinaria de pleno municipal no Salón de sesión da casa consistorial coa seguinte orde do día: 1º.- ACTAS ANTERIORES 2º.- DESIGNACIÓN DE FESTIVOS LOCAIS PARA 2019 3º.- NOMEAMENTO DE XUÍZ SUBSTITUTO 4º.- PROCEDEMENTO PARA A LIMPEZA DE FINCAS PARTICULARES 5º.- INFORMES DE MOROSIDADE E PERÍODO MEDIO DE PAGO DO 3º TRIMESTRE 2018 6º.- MOCIÓN PRESENTADA POLO PARTIDO POPULAR DE “APOIO AO MANTEMENTO DO PARQUE DE BOMBEIROS DE RIBADUMIA” 7º.- MOCIÓN PRESENTADA POR “ESMAR NON Á VIOLENCIA” SOBRE SOLICITUDE DE PUNTOS DE ENCONTRO FAMILIAR NA COMARCA DO SALNÉS 8º.- MOCIÓN PRESENTADA POLA ALIANZA POR UN RURAL GALEGO E COUSA DE RAÍCES PARA A PROTECCIÓN E MELLORA DOS HÁBITATS DE BOSQUE AUTÓCTONO 9º.- MOCIÓN PRESENTADA POLO CONCELLO DE VILAGARCÍA DE AROUSA SOBRE “DOTACIÓN DUNHA AMBULANCIA MECANIZADA PARA O SALNÉS” 10º.- MOCIÓN REMITIDA POLO CONCELLO DE CALDAS DE REIS CON MOTIVO DO ESTADO DO RÍO UMIA E A MICROCYSTIS. 11º.- MOCIÓN PRESENTADA POLO COLECTIVO “QUERENDO” SOBRE “ATENCIÓN A MULLERES CON ENDOMETRIOSE E DIVULGACIÓN DA DOENZA” 12º.- ROGOS E PREGUNTAS

Arquivo/s adxunto/s

• Arquivo adxunto-1

Xa se poden comunicar queimas de restos agrícolas amoreados. Poden facer dito trámite a través do teléfono 012 ou na seguinte dirección https://queimasweb.xunta.gal/queimasweb/

Arquivo/s adxunto/s

• Arquivo adxunto-1

O Concello de Ribadumia informa que despois da reunión mantida a finais de agosto cos veciños da Parroquia de Sisán sobre as obras do cemiterio, volveu relucir a necesidade de tratar o tema da finca que a día de hoxe se emprega de aparcamento e que está situada enfronte da propia igrexa. É esta unha inquietude de todos os veciños ante a posibilidade de que a Igrexa decida destinar este terreo a outros fins e os veciños da Parroquia se queden sen aparcamento cando van a calquera celebración litúrxica. Deste xeito despois deste tempo, tanto os veciños, como a Comisión de Festas, Comisión Parroquial ou o propio párroco de Sisán traballaron en conxunto para recoller 363 firmas, polo que lles trasladamos o noso agradecemento. 363 firmas que foron levadas a Santiago para entregar nunha recente reunión co Vicario, facéndolle chegar a este a petición dos veciños de Sisán e do Concello de Ribadumia, tratando de manter en todo caso a situación actual ou se cabe a mellora da zona pero mantendo o uso do terreo en beneficio de todos os veciños da Parroquia.

O Concello de Ribadumia celebrou o venres 26 de outubro o Dia das Bibliotecas con varios actos na Biblioteca Municipal Francisco de Asís Fraga “Cuco”. As actividades comezaron as cinco da tarde coa presentación por parte do Alcalde David Castro das obras de mellora que se levaron a cabo recentemente. A colocación dunha mampara permitiu crear unha nova zona de estudo e lectura con illamento acústico. Tamén se adquiriu mobiliario novo ( mesas de estudo e cadeiras) co fin de satisfacer as demandas dos usuarios da mesma e crear un espazo máis cómodo e acolledor . Posteriormente , o Alcalde fixo entrega de tres lotes de libros aos agraciados do sorteo entre os socios da Biblioteca que o Concello realiza cada ano coincidindo coa celebración desta data. Os gañadores corresponden a tres categorías que son infantil, xuvenil e adulto. O número de socios aumentou considerablemente no último ano, incrementándose nun 25 % , contando actualmente con máis de 500 . O equipo de goberno seguirá traballando para seguir sumando socios e usuarios. Para rematar tivo lugar unha sesión de títeres a cargo do grupo “Cascanueces” que fixo as delicias de todos os asistentes. Estas actividades supoñen o peche dunha serie de actuacións e obradoiros que se celebraron na Casa de Cultura os luns do mes de outubro con cargo ao programa “ Ler conta moito” co fin de fomentar a lectura entre os máis novos do municipio. Así medio cento de cativos puideron desfrutar das actuacións “ Mundo máxico 3.0”, “ Biotecnólogos resolven un crime na Biblioteca”, “ A maxia dos contos” e “ Unha festa no faiado”. Actuacións que foron animando a lectura na Biblioteca durante todo o mes de outubro.

Arquivo/s adxunto/s

• Arquivo adxunto-1

O próximo día 31 de outubro terá lugar a coñecida celebración do Samaín con motivo da festividade do primeiro de novembro. O festexo organizado pola Agrupación Músico Cultural de Ribadumia, conta coa colaboración deste Concello así como tamén da Anpa do CPI Julia Becerra Malvar, da Anpa do Cra de Ribadumia e da Asociación de Veciños de San Andrés de Barrantes. O festexo para dar a benvida os espíritos durante o Samaín dará comezo as 20 horas, e terá lugar no Centro Social de Barrantes. Onde haberá música a cargo do DJ Santi Barreiro, para irnos preparando todos para a posterior procesión de defuntos (animamos a que cada un traia o seu farolillo) que terá lugar polas rúas de Barrantes. Ó regreso desta, continuará a música e repartiranse doces típicos e chocolate quente gratis. Por todo iso, animamos tanto a pequenos como a maiores a participar este mércores das actividades organizadas con motivo do Samaín, e do mesmo xeito que vos animamos a vir caracterizados para unha noite terrorífica.

Arquivo/s adxunto/s

• Arquivo adxunto-1

O Concello de Ribadumia informa, con fins aclaratorios, sobre as últimas novas publicadas en prensa referentes os importes medios e tipos impositivos do IBI en Ribadumia. O Concello de Ribadumia aplica os seguintes tipos impositivos, do 0.30% para o IBI rústico e o 0.40% para o IBI urbano, dende os tres últimos exercicios fiscais. En ambos casos, supoñen as porcentaxes mínimas permitidas por lei, segundo o artigo 72 do Real Decreto 243/1995 de 17 de febreiro, coa última modificación do 5 de setembro de 2003. Ditas porcentaxes son aplicadas sobre o Valor Catastral, o cal ven determinado pola Dirección Xeral de Catastro, dependente este do Ministerio de Facenda. En canto as liquidacións medias de IBI para as urbanas, o importe é de 182,73 € no 2017 e de 194,48 € no 2018, incremento que se debe o maior número de obxectos tributarios no último exercicio.

Arquivo/s adxunto/s

• Arquivo adxunto-1

O Concello de Ribadumia abre o prazo do tradicional concurso de Postais de Nadal, o cal estará aberto ata o próximo 23 de novembro. As bases poden ser consultadas no taboleiro do Concello de Ribadumia, na Casa da Cultura, nos taboleiros dos colexios, nesta páxina web ou nas redes sociais.

Arquivo/s adxunto/s

• Arquivo adxunto-1

Visitar sitio web

O pasado sábado día 13 de outubro, tivo lugar no Auditorio Municipal de Ribadumia a III Festa do Deporte, para a cal se tiñan presentado 64 candidaturas, das cales 44 pasaron a ser finalistas, para unha gala que como novidades incorporaba dúas novas categorías, medio de comunicación e patrocinador, e incluía novas disciplinas entre os deportistas e entidades presentadas. A continuación móstranse os finalistas e gañadores desta 3ª edición da Festa do Deporte.

A petición da Audiencia Provincial - Sección primeira de Pontevedra, comunícase que está exposta ao público a lista provisional de candidatos a xurados do noso municipio, no taboleiro de anuncios do concello, ata o día 29 de outubro.

O Concello de Ribadumia informa que dende esta semana, todos os luns de 10:00 a 14:00 horas e de 16:30 a 20:30 horas, estará na Casa de Cultura de Ribadumia unha empresa que xestiona todo tipo de trámites relacionados con Catastro. A empresa prestará servizo a todos os veciños e veciñas de Ribadumia, para facilitarlle e achegarlle estas xestións, evitando que teñan de desprazarse a Pontevedra ou Cambados. Deste xeito, vai estar a disposición dos veciños unha persoa para resolver as dúbidas que poidan ter con temas relacionados co catastro, así como facilitarlles a presentación de calquera tipo de solicitude ante dito organismo. Este servizo será gratuíto para todos os veciños e poderán así axilizar os trámites e mellorar o acceso a información.

O Concello de Ribadumia informa, con fins aclaratorios, sobre as últimas novas publicadas en prensa referentes a suba do IBI. Posto que nin o equipo de goberno realizou ou aprobou ningunha suba do IBI nin os recibos están erróneos por culpa do persoal municipal tal e como se insinúa. Indicar, que a causa desa subida é coñecida polo anterior equipo de goberno, porque foi quen firmou a autorización, o 3 de marzo de 2014 (rexistro de saída 233, do 5 de marzo de 2014) para que se levase a cabo o procedemento de regularización catastral que rematou este ano. Polo tanto, quen promocionou a suba destes recibos do IBI e a inclusión nos mesmos dos galpóns e instalacións agrarias foron políticas anteriores, tanto a nivel nacional coma a nivel municipal, sen que en ningún momento houbese ningún escrito de oposición. É máis, non só gravan agora os recibos que sufriron a regularización, senón que, previamente, os mesmos contribuíntes tiveron que “pagar” os traballos da mesma regularización, ó imporlles unha taxa expecial de 60€ que tiveron que pagar por cada un dos bens investigados por Catastro. De feito, foi o equipo de goberno actual quen presentou unha moción no Pleno do 3 de marzo de 2016 dirixíndose ós órganos competentes para intentar minorar a repercusión desta revisión catastral e que non se tivese en conta o incremento do valor das edificacións agrarias á hora de concesión de bolsas educativas. Polo tanto este equipo de goberno non aumentou a presión fiscal ós veciños de Ribadumia: en ningún caso se aumentou ningunha taxa ou imposto municipal. Pola contra, si se aumentou a presión fiscal sobre os veciños na última lexislatura: 1. Ata o ano 2011, a taxa anual por recollida de lixo era de 32,02€ (semestralmente, 16,01€). Nesta ano aprobouse unha suba que supuxo un aumento de case o 100% da mesma, xa que os veciños pasaron a pagar, semestralmente, un importe de 31,50€, é dicir, 63€/ano. 2. Ademais da aplicación de 2 novos impostos por parte de Xunta de Galicia, o canon da auga e o coeficiente de vertedura, impostos que gravaron de forma moi importante os recibos do saneamento. Hai que lembrar que significou que se duplicasen, e non só para os usuarios con servizo de auga municipal, senón tamén para aqueles que teñen pozos, ós que se lles incrementou un 100% o recibo do alcantarillado por esa nova taxa da Xunta, o coeficiente de vertedura: de 38,36€/ano en 2011 a 95,20€ en 2012.

O Concello de Ribadumia é un dos concellos da Mancomunidade do Salnés onde crece o paro, pero é de todos no que menos aumenta, con 3 novos parados, o que supón un 1,14%, segundo os datos publicados para o pasado mes de setembro. Estes mostran unha variación de 261 a 264 parados. Dos 9 concellos que conforman a Mancomunidade, Ribadumia é o 3º concello con menor número de parados, un 5,17% da poboación. Para favorecer o control desta variación e evitar futuros incrementos, así como traballar para reducir a cifra total de parados, nos últimos días o Concello de Ribadumia puxo en funcionamento un novo servizo de Orientación laboral. Dito servizo vaise centrar en favorecer a localización de ofertas de emprego, como xa se están publicando nos presentes días a través da plataforma omeuconcello.ribadumia.org, así como organizar diferentes cursos formativos fixándose nas demandas das empresas da zona, e outras accións como por exemplo para afrontar unha entrevista de traballo. Todo isto tendo en conta os principais grupos de poboación afectados, que no caso de Ribadumia son homes e mulleres de máis de 25 anos, en entre estes, destaca a cifra de paro feminino. Fixándonos por sectores os parados chegan dende os sectores de servizos e industria, sendo menos os que veñen de construción e agricultura. Datos todos eles importantes e que o departamento de orientación terá en conta para focalizar as súas accións e favorecer a inserción laboral destes veciños e veciñas. Así como tratar de colaborar co texido empresarial para crear formación axeitada as súas ofertas e tratar de cubrir estas demandas dende a propia localidade.

Arquivo/s adxunto/s

• Arquivo adxunto-1

O Concello de Ribadumia informa de que as visitas á Oficina de Turismo Municipal aumentaron durante o mes de setembro respecto a anos anteriores, destacando o crecemento no turismo internacional. Segundo a información facilitada pola Oficina de Turismo de Ribadumia, o mes de setembro foi positivo en canto a turismo, mostrando un incremento de turistas internacionais ata acadar o 36 % do total de visitas. Dito crecemento vai ó par do incremento de peregrinos, sendo este un dos recursos demandados tanto por estranxeiros como por outros visitantes de procedencia nacional. En conxunto, esta información traslada unha tendencia que mostra o crecente interese dos turistas por coñecer de preto o municipio e a comarca, e que ven a avalar a labor de promoción que tanto o Concello como a Mancomunidade do Salnés levan a cabo. No tocante á súa procedencia, os datos mostran como, novamente, a maioría das visitas (o 64% do total) chegaron do ámbito nacional. En canto ao turismo internacional, pasa de supor un aprox. 8% en agosto a supoñer un 36% en setembro. E é que de novo, a maioría de persoas que se achegan pola Oficina de Turismo son peregrinos que realizan o camiño pola súa variante espiritual. En canto á información máis demandada polos turistas, a Ruta da Pedra e a Auga continúa a ser o primeiro reclamo entre os que desexan coñecer a comarca, xunto coa variante espiritual do Camiño Portugués, que transcorre durante varios quilómetros polo mesmo itinerario. Adegas, restaurantes, festas tradicionais, etc. espertan o interese dos visitantes e sitúan Ribadumia como un gran destino turístico. A Oficina de Turismo estará aberta ó público ata o próximo día 14 de outubro.

Arquivo/s adxunto/s

• Arquivo adxunto-1

O Concello de Ribadumia informa que dende hoxe, hai un novo servizo de Orientación laboral para facilitar a busqueda de emprego os veciños e veciñas de Ribadumia. De luns a venres, de 8 a 15 horas na Casa de Cultura de Ribadumia, todos os veciños que o precisen teñen a súa disposición este novo servizo para axudarlles na creación ou mellora do seu CV ou a resolver calquera dúbida que lles poida surxir para a nova incorporación o mercado laboral. Deste xeito entre as tarefas da orientadora estarán a elaboración deses Curriculum vitae, as indicacións ou pautas para a busqueda de emprego online, a organización e xestión de formación para desempregados, axuda para preparar entrevistas de traballo, e en definitiva resolver calquera necesidade que os veciños poidan ter na busqueda dese novo posto de emprego e a súa inserción na vida laboral. Para porse en contacto poden acudir no horario antes sinalado, chamar o telf. 986710711, ou dirixirse o mail orientacion.laboral@ribadumia.org.

Xa está aberto o prazo de inscrición para as actividades organizadas dende o Concello de Ribadumia de cara ó novo curso. A única excepción e informática tanto para nenos como para adultos, xa que o prazo de inscrición neste caso será a partir de decembro.

Arquivo/s adxunto/s

• Arquivo adxunto-1

O Concello de Ribadumia informa de que o sábado 13 de outubro é o día elixido finalmente para a celebración da III Festa do Deporte do municipio. O resto do calendario, pola súa banda, continúa como estaba previsto. E é que a semana pasada o xurado, conformado por membros do Concello, das entidades deportivas e dos medios de comunicación da comarca, foi convocado para a valoración de méritos das candidaturas propostas e a elección dos finalistas a Mellor Promesa de Ribadumia, tanto masculina como feminina; mellores deportistas do municipio, tamén en ambas categorías; mellores deportistas masculino e feminino pertencentes a un club do concello; mellor equipo, tanto de homes como de mulleres; mellor club e mellor adestrador; mérito deportivo, medios de comunicación e patrocinadores. Deste xeito, o vindeiro 13 de outubro daranse a coñecer os galardoados desta terceira edición dunha festa coa que o Concello busca recoñecer ós e ás deportistas e entidades que, co seu traballo e esforzo diarios, promoven os valores do deporte e levan o nome de Ribadumia alí por onde pasan. A gala terá lugar a partir das 20:00 horas no Auditorio Municipal.

Arquivo/s adxunto/s

• Arquivo adxunto-1

O Concello de Ribadumia informa que durante os últimos días se está procedendo o limpado das máis de 20 marquesiñas situadas ó longo de todo o municipio. Limpeza que ven a mellorar a imaxe destas e da contorna na que se sitúan coa retirada dos numerosos carteis que as ensuciaban, para poñelas a punto para o inicio do novo curso escolar. Ademais disto, a partir de este momento cada marquesiña acollerá un aviso de prohibido fixar carteis para evitar a mala imaxe que iso xera. Ademais no pasado pleno do día 6 de setembro se aprobou o cambio de 3 marquesiñas que seguen sendo a día de hoxe de chapa galvanizada. A licitación para a compra das novas ascenderá a uns 7000 €. A ubicación das marquesiñas que serán renovadas é en Forxán (Leiro), Villaverde (Barrantes) e Gándara (Ribadumia). Por outra banda tamén se produxo o cambio dalgúns tablóns de anuncios que estaban deteriorados dos máis de 50 que están colocados. Os que se colocan seguen a mesma estética pero cambia o material que pasa a ser de aluminio, o cal é máis resistente ó clima, e más fácil o seu mantemento. A medida que se vaian estropeando os xa existentes de madeira irase facendo un cambio paulatino. A estes súmanselle os que se colocaron en novas ubicacións dando resposta a peticións veciñais.

Arquivo/s adxunto/s

• Arquivo adxunto-1
• Arquivo adxunto-2