ACTUALIDADE - ÚLTIMAS NOVAS

Os interesados poden achegarse en horario de 9:30 a 13:30 e de 16:30 a 19:30 horas, de martes a domingo, coa excepción de que os festivos e a fin de semana só estará aberta en horario de mañá. Aínda que tamén se poderán poñer en contacto para resolver calquera cuestión no telf. 986710499 ou no mail turismo@ribadumia.org.

Deste xeito, calquera veciño pode solicitar cita nos teléfonos 986718491/99 ou acudir ó Concello, en horario: • Luns de 9 a 14 h.

O Concello de Ribadumia informa de que a partir de mañá venres 3 de xullo (inclusive) a Biblioteca Municipal de Ribadumia muda o seu horario para os meses de xullo e agosto. Durantes estes meses a Casa de Cultura de Ribadumia acollerá a sede da Escola de Verán do Concello de Ribadumia cunhas medidas preventivas moi específicas polo COVID19, isto fai que sexa preciso adecuar o horario de Biblioteca para evitar o máximo posible o contacto ou aceso a instalación de persoas alleas a esta actividade. Así o horario de empréstito pasa dende mañá a ser os martes e venres de 13 a 14 horas. Sendo recomendable sempre dentro do posible chamar previamente para minimizar os tempos de espera ó acudir a recoller os exemplares e facilitar así o cumprimento das medidas de distancias e hixiene recomendadas dende as autoridades sanitarias.

O Concello de Ribadumia informa de que esta primeira semana de xullo dará comezo unha nova edición das noites de verán, onde diferentes concertos, actuacións e cine farán desfrutar do ocio estival a toda a familia. Nesta ocasión serán os sábados os días elixidos para concertos, actuacións e cine para toda a familia, exceptuando os venres días 24 de xullo e 14 de agosto. Estas “Noites de verán” inauguraranse o día 4, coa seguinte programación prevista. MES DE XULLO DIA HORA ACTO 4 22.30 H CINE. "SHAZAM" 11 22.30 H BANDKTRO 18 22.00 H AÑORANZA 24 22.00 H VENRES. M-80. "VOLTA AOS ANOS 70 E 80" MES DE AGOSTO DIA HORA ACTO 1 22.00 H AGRUPACIÓN MUSICO CULTURAL DE RIBADUMIA "" 8 22.30 H CINE "MASCOTAS 2" 14 22.30 H Venres. RAMÓN. FORA DE SER VICIO.- "Rock diverso" 22 22.00 H BANDA DE MUSICA DE RIBADUMIA " " 29 22.00 H ANTONIO SEIJO E JESUS MOARES Cabe destacar o cambio de ubicación nesta edición, xa que se trasladan para a Carballeira de Ribadumia, para facilitar a aplicación das medidas precisas segundo as recomendacións ante o COVID 19. Será obrigatorio o uso de máscara, ademais das distancias de seguridade e medidas de hixiene recomendadas. Animamos así a todos a disfrutar en Ribadumia as noites de verán!

O Concello de Ribadumia informa de que mañá, xoves 2 de xullo, terá lugar unha sesión ordinaria do Pleno Municipal. O acto celebrarase no Salón de Sesións da Casa Consistorial, a partir das 21:00 horas. Os puntos a tratar segundo a orde do día será: 1º.- Acta anterior. 2º.- Moción do Partido Popular sobre “PONTEGAL” 3º.- Moción do Partido Popular para instar ao Goberno a aboar a débeda pendente a Galicia. 4º.- Recoñecemento extraxudicial de gastos orixinados en exercicio anterior. 5º.- Dar conta do escrito presentado por Somos Ribadumia sobre funcionamento do grupo mixto. 6º.- Dar conta dos escritos presentados por Somos Ribadumia e PSdeG-PSOE sobre a xestión de multas de tráfico. 7º.- Dar conta da posta en funcionamento da Escola de Verán 2020. 8º.- Dar conta do escrito presentado por Somos Ribadumia sobre funcionamento dos semáforos. 9º.- Dar conta dos gastos da AF7 no pasado exercicio. 10º.- Rogos e preguntas. Destaca a inclusión dos puntos retirados na sesión anterior de pleno tal e como se lles indicou os diferentes partidos políticos que conforman a corporación municipal e á valedora do pobo e que fan referencia ós dar conta sobre o funcionamento do grupo mixto, e da xestión das multas así como outros escritos presentados por rexistro polas diferentes formacións. Este pleno será novamente realizado a porta pechada por seguridade e prevención contra o COVID 19 e do mesmo xeito será retransmitido en directo a través do Facebook para todos aqueles que queiran seguir o seu desenrolo.

Arquivo/s adxunto/s

• Arquivo adxunto-1

Ao amparo do disposto pola Disposición Transitoria Primeira da Lei 4/2015, do 17 de xuño, de mellora da estrutura territorial agraria de Galicia, e conforme ao establecido polo artgo 44 da Lei de concentración parcelaria para Galicia, con data 23/06/2020, o director xeral de Desenvolvemento Rural resolveu dar TOMA DE POSESIÓN provisional dos predios resultantes do proceso de concentración parcelaria da zona de Lois - Monte de Ribadumia (Ribadumia, Pontevedra). As datas para tomar posesión dos predios son as seguintes: 1. Para terreos de prado, pasteiro, labradío sen colleita e monte, o día 30/09/2020 2. Para os restantes terreos, no momento no que se retren as colleitas actuais. Non obstante, a data límite para a retrada do arborado é o día 30/03/2021, debendo contarse co preceptvo permiso do Servizo de Montes e o informe favorable do Servizo de Conservación da Natureza, no caso de especies autóctonas protexidas. Dentro dos sesenta días naturais seguintes ao 30/09/2020 en que os predios de substtución se poñen a disposición dos partcipantes para que tomen posesión delas, poderá reclamar –acompañando ditame pericial- sobre diferenzas superiores ao 2% entre a cabida real dos predios e a que conste no expediente. Importante: os propietarios das parcelas de achega deben, en todo caso, permitr aos ttulares dos novos predios o seu acceso a eles para que poidan proceder á súa medición dentro do prazo dos sesenta días naturais antes sinalado. Debe terse en conta que: 1. A falta de superfcie dun predio non será compensada cando exista exceso de superfcie no conxunto dos predios atribuídos ao mesmo propietario, e esta sexa sufciente para compensar en valor de puntuación o conxunto das atribucións. 2. Non se admitrá reclamación no caso de que o predio obxecto dela coincida exactamente, na súa delimitación cartográfca, coa parcela achegada polo mesmo ttular. 3. Impedir ou obstaculizar a toma de posesión é considerada unha infracción moi grave (artgo 73 da Lei de concentración parcelaria para Galicia) sancionada con multa de 1.502,54 a 3.005,06 euros. 4. Sen prexuízo do indicado no punto anterior, a toma de posesión poderá darse, previo apercibimento, mediante compulsión directa sobre a/s persoa/s que a impidan. 5. Os planos do acordo actualizados están accesibles en internet na páxina web da Consellería do Medio Rural na seguinte dirección, na sección publicacións: https://ovmediorural.xunta.gal/es/consultas-publicas/concentraciones-parcelarias-procesos

Arquivo/s adxunto/s

• Arquivo adxunto-1

O Concello de Ribadumia recibe a visita do Coronel da Garda Civil, D. Simón Venzal Contreras, quen tomou posesión do seu cargo o pasado 26 de setembro para asumir a responsabilidade de xestionar a seguridade da provincia. Así esta semana visitou Ribadumia para coñecer de primeira man as necesidades en canto a seguridade para a nosa veciñanza. O alcalde David Castro trasladoulle todas as melloras posibles detectadas nos últimos tempos así como as aportacións realizadas polos veciños, e que sempre son tidas en conta para mellorar o noso pobo e máis se cabe en canto a seguridade se refire. Agradecer a Garda Civil a súa colaboración permanente en calquera solicitude que o concello lles trasladas posto que desempeñan un papel relevante para o día a día.

Arquivo/s adxunto/s

• Arquivo adxunto-1

Ábrese o prazo de inscrición para a Escola de ocio verán 2020 para os meses de xullo e agosto, do día 22 ao día 26 de xuño (ambos inclusive). Por motivos do estado de emerxencia sanitaria este ano a Escola de verán non disporá de servizo de comedor. Haberá unha reunión para todos os pais o próximo venres día 26 de xuño, nas instalacións do Auditorio Municipal, as 21:0 horas. Todos os pais terán que firmar, no momento da inscrición, unha autorización coa declaración responsable aprobada no Pleno do día 17/06/2020, na que asume a responsabilidade que se derive en relación con posibles contaxios por COVID-19 e se compromete a seguir as pautas e protocolos que se indiquen dende a organización. Os nenos e nenas deberán ir provistos de máscara de protección facial, por se fose preciso usalas no desenvolvemento dalgunha actividade e, obrigatoriamente, na entrada e saída diaria das instalacións.

Arquivo/s adxunto/s

• Arquivo adxunto-1
• Arquivo adxunto-2
• Arquivo adxunto-3

O Concello de Ribadumia informa de que mañá, mércores 17 de xuño, terá lugar unha sesión Extraordinaria do Pleno Municipal. O acto celebrarase no Salón de Sesións da Casa Consistorial, a partir das 21:00 horas. Os puntos a tratar segundo a orde do día será: • Sorteo membros mesas electorais para eleccións autonómicas a celebrar o 12 de xullo • Informes de morosidade e período medio de pago 3º trimestre 2019 e 1º trimestre 2020 • Aprobación de bases de Apoio a Escolariación • Protocolos Escola de Verán e cesións de uso de instalacións para campus das entidades deportivas e culturais • Ratificación de medidas adoptadas durante o estado de alarma • Moción institucional sobre medidas COVID-19 • Moción do Partido Popular sobre terrazas • Dar conta de diversos asuntos • Rogos e preguntas Destacando en todo caso a proposta para aprobación dos protocolos para as escolas de verán, os cales foron remitidos polos servizos xurídicos do concello e acordados e consensuados coas diferentes entidades despois de diversas reunións e conversas. Do mesmo xeito tratarase en pleno a ratificación das medidas adoptadas durante o estado de alarma polo COVID19 como o acortamento dos prazos no caso das subvencións a entidades, un xeito de axilizar o pago das mesmas e polo tanto axilizar a disposición destas de liquidez. Ou a bonificación dos recibos de lixo e terrazas para aliviar dalgún xeito a presión da actual situación a autónomos e pymes. Este pleno será novamente realizado a porta pechada por seguridade e prevención contra o COVID 19 e do mesmo xeito será retransmitido en directo a través do Facebook para todos aqueles que queiran seguir o seu desenrolo.

Arquivo/s adxunto/s

• Arquivo adxunto-1

O Concello de Ribadumia informa que se están a executar as obras de restauración e mellora do estanque, fonte e lavadoiro de O Ramo na parroquia de Leiro. Proxecto que está financiado con fondos para a rehabilitación e sinalización do patrimonio histórico cultural da Deputación de Pontevedra e que ascende a un importe de adxudicación de 15300,38€. O activos obxecto da restauración presentaban estado de abandono, ampla vexetación e terras que cubrían o estanque e a fonte estaba destruída parcialmente con pezas de pedra desencaixadas, e tanto esta como o lavadoiro carecían de acceso axeitado para os usuarios. Así as actuacións centráronse na rehabilitación do conxunto incluíndo a desmontaxe e rehabilitación da fonte, limpeza e retirada de terras e vexetación do estanque, e construción dun muro de pedra para rematar e unir o conxunto ao lavadoiro construindo accesos axeitados tanto a esta como ó lavadoiro. A isto cabe engadir a ampliación do vial nesa zona, actuacións que en conxunto supoñen a primeira fase dun proxecto de melloras plantexadas para a contorna. Con este proxecto o Concello de Ribadumia dá resposta a diversas peticións veciñais que trasladaron esta necesidade, e continúa os traballos de mantemento e mellora do patrimonio etnográfico do municipio.

Arquivo/s adxunto/s

• Arquivo adxunto-1

Nesta semana o Concello de Ribadumia e representantes dos campus e escolas de verán reunironse para analizar a viabilidade de organizar estas actividades durante os meses de xullo e agosto. A COVID 19 vai condicionar sen dúbida a realización das mesmas e de levarse a cabo toda a programación: horarios, espazos, rutinas e todas as actividades. E todo isto a espera dun protocolo claro e concreto por parte das Autoridades Sanitarias e da Administración competente que a partir do luns, con Galicia xa na fase 3 sería a Xunta. A dia de hoxe e a falta da autorización e do coñecemento dese protocolo de medidas de hixiene e seguridade o Concello e as diferentes entidades, prevén certas actuacións que son as que xa se están a tomar en outras actividades: • Distanciamento físico e uso de mascarillas nas situación que así o requiran. • Grupos con proporción alumnos/ monitor tal e como marquen as normas. • As actividades grupais como excursións a dia de hoxe serían inviables e as actividades exteriores como os descansos ou os xogos se farían respetando o distanciamento e a non interacción entre os grupos de cada monitor. • Prescindiriase do servizo de comedor. • Toma de temperatura na entrada e medidas de actuación en caso de sintomatoloxía compatible coa COVID 19 tal e como marquen as Autoridades Sanitarias • Outras medidas pendentes de decidir en función do pronunciamento das Administracións competentes ou do que valore Concello e entidades para tentar garantir a segurudade e saúde dos usuarios e monitores. Na última reunión, celebrada onte pola tarde o Concello e as demais entidades decidiron abrir un prazo de PREINSCRIPCIÓN dende o martes 9 de xuño ata o luns 15. O obxectivo é poder ter unha previsión do número de usuarios de cada actividade para poder valorar, unha vez se coñezan os datos e xa haxa máis información de protocolos sanitarios ,a viabilidade das mesmas e tomar xa a decisión definitiva de se este verán se levan a cabo e as normas e condicións definitivas. Esta preinscripción non é vinculante e , en caso de poder realizarse, abririase posteriormente un prazo de matriculación por parte das entidades que organicen actividades, donde se informaría ás familias con máis detalle. Os interesados nesta preinscripción de carácter informativo, deben dirixirse para a súa formalización á entidad organizadora que escollan. Serían: • Escola de Verán Concello de Ribadumia. • VII Edición Campus Multideportivo Umia CF. • Escola de verán da asociación Proescola de Música. • Campus de tenis de mesa de Sisán. • Campus de bicis club ciclista Ribadumia

O Concello de Ribadumia informa que no pleno celebrado o día 28 de maio aprobáronse unha serie de liñas de axudas destinadas a autónomos e pymes. Créase unha nova liña de axudas destinadas a achegar liquidez os actores económicos que se atopen en difícil situación económica pola pandemia do COVID19 e con problemas para a obtención de financiamento e para a compra de material de hixiene e/ou seguridade. Poderán ser beneficiarios destas axudas os autónomos, microempresas e pequenas empresas con sede social e fiscal no Concello de Ribadumia, se teñen teñen débedas coa AET, SS e Xunta que non superen a cantidade solicitada, e o 50% do solicitado se destine a pagalas. No caso das asociacións empresariais poden acollerse a esta liña de financiamento aquelas que teñan sede no Concello de Ribadumia e o detinen a compra de material hixiénico e/ou de desinfección regulado. As financiacións concedidas terán un período de carencia ata o 31 de decembro de 2020 e o prazo máximo de amortización será de 3 anos. Agás a compra de material hixiénico que está exento de devolución. Por outra banda convócanse novamente as “Axudas para o fomento do emprego e do emprendemento” que buscan contribuir á promoción da empregabilidade para os veciños do municipio e que terán carácter anual (coincidindo co ano natural). Deste xeito serán beneficiarios os emprendedores que estando empadroados no Concello de Ribadumia, iniciasen a súa actividade empresarial a partir do 1 de xaneiro do 2020. E terán de prazo de solicitude ata o último día hábil do ano natural da convocatoria (31/12/2020). E diferencianse nesta liña dous tipos de axudas: • Fomento do emprego: onde o Concello subvencionará un % da cotización da empresa á seguridade social en función do número de empregados e do tipo de contratación. • Fomento do emprendemento: o Concello subvencionará un % dos gastos iniciais ata un máximo de 2000 €. O Concello de Ribadumia trata así de achegar algo de liquidez ós novos proxectos que acaban de ver a luz, ou a esas empresas que se viron sacudidas pola crise sanitaria do COVID19.

Na sesión plenaria extraordinaria do día 28 de maio aprobouse o reparto do 85% das axudas a entidades para o 2020. Deste xeito as asociacións culturais reciben neste primeiro reparto un total de 17000 € para un total de 569.95 puntos que se baremaron segundo as bases aprobadas entre 13 solicitudes presentadas. Unha área onde as asociacións e agrupacións mostran o movemento dinamizador e cultural do municipio o que merece todo o apoio posible. A contía repartida entre as entidades deportivas ascende a 28900 €, os cales se repartiron entre os clubs ribadumienses. Axudas que buscan contribuir o traballo diario dos clubs e que se demostra nos papeles tan destacables que están a ter nas diferentes competicións. As entidades sociais foron beneficiarias do reparto de 11250 €. Xuntos e manténdose todas as anteriores. Supondo esta partida un incremento destacable fronte os exercicios anteriores. O Concello de Ribadumia axilizou a tramitación destas axudas para favorecer o ingreso o máis rápido posible e contribuir así no alivio económico destas entidades que tamén están a sufrir os problemas da actual crise sanitaria.

O Concello de Ribadumia informa de que as igrexas de todas as parroquias do municipio, Lois, Leiro, Besomaño, Ribadumia, Barrantes e Sisán, contan cos protocolos recomendados para a súa apertura ó público despois do peche durante o confinamento do COVID19. O Concello de Ribadumia dotou as igrexas de xel hidroalcoholico, alfombra para a entrada con desinfectante, así como as sinalizacións nos bancos para facilitar a ubicacións das persoas no interior. Estas instalacións foron adaptadas as recomendacións de distanciamento físico e medidas de hixiene indicadas para garantir a seguridade de todas as persoas que se acudan a elas. Reiteramos a importancia de atender as recomendacións sanitarias en todo momento, pero sobre todo cando nos atopamos en lugares de maior afluencia, para manter a loita contra o COVID19.

O Concello de Ribadumia informa que, na sesión plenaria do día de onte celebrada a porta pechada para garantir as medidas de seguridade fronte ó COVID19 e retransmitida por primeira vez en directo a través da rede social Facebook para achegar a mesma ós veciños, se aprobou o orzamento municipal para o 2020 que ascende a 4.115.641,14€. O documento aprobado céntrase en 3 pilares básicos:  Procura da eficiencia e eficacia na xestión, sendo o reflexo máis fiel posible da realidade de ingresos e gastos municipais, sen “aspaventos” políticos.  Control do gasto público => Menor gasto corrente e mantemento do gasto en persoal (a suba de algo máis de 44.000€ (+3%) coincide exactamente coa aplicación da suba do 2,3% establecida legalmente para este ano + 9.000€ que se inclúen para, se procede, a aprobación da nova RPT.  Presupostos “SOCIAIS”=> Desde o ano 2015, a partida destinada a Servizos Sociais foise incrementando porcentualmente entre un 3,58% (2018) e un 10,80% (2017), pasando este ano 2020 a un incremento do 27,62% (95.786,07€), superándose con moito por 1ª vez na historia dos orzamentos de Ribadumia os 400.000€ na partida desta área, algo máis de 442.000€. As partidas que sofren un maior incremento, chegando a un 27%, son as destinadas ó gasto para paliar os efectos do COVID19, estando aquí os servizos sociais e as medidas de promoción económica. O orzamento municipal recolle tamén os investimentos previstos para este ano 2020 onde destacan as melloras de infraestruturas con mellora de viais e alumeado público, pero estando moi presentes tamén as inversións en dotacións para as instalacións deportivas. Sendo así os datos os que seguen: MELLORA INFRAESTRUTURAS => +430.000€ en mellora de viais e recollida de pluviais en TODAS as parroquias e mellora de abastecemento e alumeado público. EFICIENCIA ENERXÉTICA => case 200.000€ para mellora iluminacións en pavillóns de Barrantes e Ribadumia e dos campos de fútbol da Bouza e da Senra e climatización en Casa de Cultura de Ribadumia e ximnasio municipal, así como para a mellora das instalacións eléctricas. INSTALACIÓNS DEPORTIVAS: fundamentalmente subministracións para campos de fútbol da Bouza e da Senra, coma para os ximnasios municipais.

O Concello de Ribadumia celebra un ano #disTINTO por mor da crise sanitaria do COVID19.

Arquivo/s adxunto/s

• Arquivo adxunto-1
• Arquivo adxunto-2
• Arquivo adxunto-3
• Arquivo adxunto-4

A reapertura da Biblioteca Municipal de Ribadumia permite retomar a actividade de empréstito de exemplares e a recollida de aqueles que foron prestados antes de declararse o estado de alarma con motivo do COVID. Coa finalidade de manter as medidas de seguridade, o préstamo e devolución dos libros farase a través do bibliotecario sen que en ningún caso o usuario poida acceder a sala da biblioteca. Polo tanto, tampouco se poderá usar a sala de lectura ou facer uso dos ordenadores e medios informáticos. Dende o concello recomendan a todas as persoas que estén buscando un libro, un autor ou xénero literario chamen a biblioteca ao teléfono 986.71.07.11 para que fagan a consulta sobre a dispoñibilidade e que o bibliotecario poida ter preparado o exemplar para cando pasen a recollelo. Doutra banda, tamén se poderán realizar aquelas xestións relacionadas coa Oficina Municipal de Información Xuvenil para as cales se recomenda pedir cita no teléfono da biblioteca. Os interesados que acudan á biblioteca a realizar calquera das xestións sinaladas anteriormente, deben utilizar o timbre para que o bibliotecario abra a porta e os atenda de xeito individualizado. Ademais, deberán ir provistos de mascarillas e desinfectar as mans na entrada onde hai un dispensador de xel hidroalcohólico.

O Concello de Ribadumia informa de que a partir do próximo 1 de xuño retómase o servizo prestado para facilitar as tramitacións dos veciños con Catastro, contando en todo momento coas medidas de seguridade precisas para evitar calquera risco co COVID19. Será preciso para poder facer uso deste servizo solicitar cita previa nos teléfonos 986718491/99, e poden solicitala dende hoxe mesmo. O servizo será prestado na Casa de Cultura de Ribadumia os luns en horario de 9 a 14 h., e de 16 a 18 h. Cabe lembrar que Ribadumia foi unha das pioneiras na sinatura do convenio con Catastro a nivel nacional, contando cunha empresa autorizada que se encarga de tramitar as xestións que os veciños necesiten realizar nas dependencias da Xerencia Territorial de Catastro sen ter que desprazarse a Pontevedra e axilizar as mesmas. Isto supón que os veciños poden resolver calquera cuestión dende Ribadumia, tanto novas tramitacións como xestións en curso posto que esta empresa, ó ser autorizada por Catastro, coñecerá todos os expedientes pendentes de resolución dos veciños. Do mesmo xeito esta empresa será a que faga propostas de resolución sobre os temas pendentes, e enviará as mesmas trimestralmente a Catastro para que as valide e tramite.

O Concello de Ribadumia informa de que mañá, xoves 28 de marzo, terá lugar unha sesión Extraordinaria do Pleno Municipal. O acto celebrarase no Salón de Sesións da Casa Consistorial, a partir das 21:00 horas. Os puntos a tratar segundo a orde do día será: • Aprobación da acta anterior • Aprobación Orzamento Municipal para o exercicio 2020 • Concesión de axudas a entidades e clubs 2020 • Modificación das Bases para as acudas do fomento do emprego e do emprendemento aprobadas o 23 de maio de 2018 • Bases reguladoras para a concesión de axudas polas consecuencias económicas derivadas do COVID 19 • Moción do Partido Popular en relación as terrazas dos establecementos de hostalaría • Moción do Partido Popular para a adopción de medidas sociais e económicas en relación coa crise do COVID 19 • Dar conta das medidas económicas e sociais aprobadas con motivo do COVID Cabe destacar que este pleno se realizará a porta pechada por seguridade e prevención contra o COVID 19. Do mesmo xeito se está estudando a posibilidade de retransmitilo en directo a través do Facebook para todos aqueles que queiran seguir o seu desenrolo. Antes de dar comezo ó pleno gardarase un minuto de silencio polos falecidos como consecuencia da pandemia COVID 19.

Arquivo/s adxunto/s

• Arquivo adxunto-1

O Concello de Ribadumia informa de que xa é oficial, hoxe é un día histórico para este municipio cos ascensos do CD Ribadumia e do Umia CF. O Concello de Ribadumia quere dar a máis sincera en hora boa a estes clubes e as grandes familias que forman, posto que estes ascensos veñen despois de grandes esforzos e da persistencia día tras día. O CD Ribadumia volta así a Terceira División, poñendo un punto e aparte para dar comezo a unha nova etapa moi ansiada na última tempada. E o Umia CF volve a Preferente despois de 30 anos, o que supón un alo de enerxía renovada. Esta nova é así unha alegría para todos os ribadumienses e para todos os seguidores deste equipos, algo que lle ven a poñer unha cara más amable a situación actual que estamos atravesando. O Concello de Ribadumia reitera así a felicitación ó Umia CF e o CD Ribadumia, e traslada todos os ánimos posibles para seguir traballando por manter estes logros na próxima tempada.

Arquivo/s adxunto/s

• Arquivo adxunto-1
• Arquivo adxunto-2