V ANDAINA SOLIDARIA - FESTA DO VIÑO TINTO 23/5/22
> Coa volta paseniña á normalidade volve tamén a andaina solidaria do Tinto.
> Este ano, a organización benéfica destinataria dos fondos que se recaden será a Asociación Galega de Axuda ó Pobo Ucraíno Aga-Ucraína.
> Non hai mínimo nin máximo nos donativos para participar nesta andaina que terá un percorrido duns 9 km aproximadamente e pasará por zonas de Ribadumia con relevancia patrimonial e natural, rematando na carpa do Tinto.
> Tamén queremos recordar que temos dispoñible o dorsal 000 para todas aquelas persoas que non poidan acudir á andaina pero aínda así queiran aportar algo a esta causa solidaria. Para eles/as facilitamos uns números de conta para que poidan facer o seu donativo.
> Aga-Ucraína encárgase de proporcionar axuda de todo tipo ó pobo ucraíno, dende aportacións económicas ata comida e útiles de hixiene e incluso proporcionando axuda para a acollida en España de refuxiados da guerra.
> Dende o Concello de Ribadumia, queremos unirnos a esta causa e recordar que, a pesar de que parece que cada día vemos menos historias e menos información sobre o conflicto bélico que vive Ucraína este segue totalmente vivo e, polo tanto, a poboación segue padecendo os seus efectos.
> Por este motivo, ademáis de pasar unha gran mañá de ruta por Ribadumia e os seus espazos naturais, queremos animar a todo o mundo a participar e colaborar nesta causa benéfica.
Arquivo/s adxunto/s
