Programas de estancias formativas en empresas ou entidades vinculadas a sectores económicos estratéxicos de Galicia, destinados as persoas xoves inscritas e beneficiarias do Sistema nacional de garantía xuvenil no ámbito da Comunidade Autónoma galega 30/1/25
Programa Xuventude Mentoring na Empresa, código de procedimiento BS324D
OBXECTO: Programas de estancias formativas para persoas mozas en empresas ou entidades públicas ou privadas, vinculadas a sectores económicos estratéxicos de Galicia (programa Xuventude Mentoring na Empresa 2025).
A finalidade destes programas é reforzar a empregabilidade e as habilidades e competencias profesional das persoas mozas rexistradas no Sistema nacional de garantía xuvenil, en diante, SNGJ, non ocupadas e non integradas nos sistemas de educación ou formación, contribuíndo á mellora da súa formación mediante a adquisición de experiencia profesional para a súa incorporación ao mercado de traballo.
A realización das estancias formativas que formen parte das accións destes programas xerará o dereito para solicitar a expedición do certificado de experiencias en educación non formal en materia de mocidade.
SECTORES FORMATIVOS: As empresas ou entidades nas que se realicen as estancias formativas deberán ser galegas ou ter centros de traballo en Galicia e estar vinculadas aos seguintes sectores económicos estratéxicos para a nosa comunidade: Aeronáutica, agroalimentación, biotecnoloxía, Automoción, enerxías renovables, madeira/forestal, metalmecánico, naval, pedra natural, textil/moda, tecnoloxías da información e da comunicación e calidade de vida e benestar,
ESTANCIAS FORMATIVAS: As estancias formativas poderán comezar a partir do día seguinte á publicación da resolución de concesión das subvencións e unha vez aceptada esta e finalizado o proceso de selección das persoas mozas participantes, #de acordo con o establecido nos artigos 22 e 23 desta orde. Deberán finalizar, como data límite, o 31 de outubro de 2025.
Os programas de estancias formativas-programa Xuventude Mentoring na Empresa deberán cumprir as seguintes condicións:
a) Contar cun mínimo de 8 e un máximo de 12 persoas mozas participantes que reúnan os requisitos establecidos no artigo anterior.
b) O período de realización de estancias formativas nas empresas ou entidades será dun mínimo de 3 e un máximo de 4 meses consecutivos, excepto causa xustificada, motivada por escrito. Os meses non naturais (cando non comezan no primeiro día do mes) contaranse desde o día de inicio das estancias do mes en curso ata o mesmo día do mes seguinte.
Considéranse causas xustificadas, en todo caso: a entrevista laboral ou a firma dun contrato de traballo; a concesión dunha bolsa de traballo ou de estudos, a realización de exames de estudos oficiais; a enfermidade grave da persoa participante ou a enfermidade grave/morte ou hospitalización dun familiar de ata 2º grao; ou outra causa xustificada non imputable á persoa participante.
O tempo de interrupción quedaría excluído do período de estancias formativas e non xera ningún dereito económico para as persoas beneficiarias.
c) As horas formativas nas empresas ou entidades nas que se realicen as estancias terán unha duración mínima de 100 horas mensuais e un mínimo de catro días semanais. Estas horas deberán acreditarse mediante unha proba documental de asistencia diaria ás estancias formativas, na que consten os días laborais da semana, a hora de entrada e saída e a firma da persoa participante e da responsable de titorizar as estancias formativas na entidade ou empresa, e segundo os modelos establecidos para o efecto (anexo IV-bis).
d) As estancias formativas desenvolveranse nas empresas ou entidades coas que se asinaron os acordos nos termos establecidos nesta orde.
As entidades participantes que estean vinculadas a algún dos sectores económicos estratéxicos relacionados no artigo 4 poderán acoller ata un máximo do 20 % de participantes para a realización das estancias na propia entidade.
e) Os programas presentados deberán contar cun plan formativo complementario en habilidades e competencias para o emprego, cun mínimo de 20 horas lectivas, que se poderán impartir en modalidade presencial, teleformación ou mixta. A maiores, poderán escoller outros contidos que amplíen a formación dos participantes segundo as súas necesidades e particularidades. O plan formativo será desenvolvido e impartido pola entidade beneficiaria da subvención.
PERIODO SUBVENCIONABLE: O período de subvencionabilidad dos gastos será ata o 15 de novembro de 2025.
PRAZO DE PRESENTACION DE SOLICITUDES: O prazo de presentación de solicitudes será dun mes, extendendose ata o 1 de marzo de 2025.
Arquivo/s adxunto/s
