A Escola de Verán do Concello de Ribadumia percorre a ruta da variante espiritual do Camiño de Santiago 28/7/22
Os nenos e nenas da Escola de Verán do Concello de Ribadumia,
xunto cos seus monitores, fixeron un percorrido por unha parte da ruta da
variante espiritual do Camiño de Santiago.
Esta andaina tivo dous percorridos adaptados ás idades dos nenos e nenas. O primeiro, desde a casa de Cultura de Ribadumia ata os Muíños do Batán e
Cabanelas; e o outro, desde a Casa de Cultura de Lois ata Pontearnelas.
Os nenos e nenas recibiron cadansúa credencial de peregrino e foron
vestidos cuns traxes elaborados por
eles mesmos con cartolinas, papel, cunchas de vieiras, etc.
O obxectivo destas actividades é a continua aprendizaxe a través do
entretemento e a involucración de todos os nenos e nenas, así como tamén dos
monitores e monitoras, en todos os proxectos que se están a elaborar desde a Escola
de Verán.
Arquivo/s adxunto/s
