Formularios para a solicitude de axudas a entidades e clubs. 10/6/16
As solicitudes formalizaranse nos modelos normalizados (ANEXO I e ANEXO II), achegadon ademais a seguinte documentación:
a) MEMORIA explicativa da actividade concreta que se pretende realizar, especificando en todo caso o lugar, as datas previstas para o seu desenvolvemento, o número total de horas de realización da actividade, os obxectivos e o número de beneficiarios (ANEXO III).
b) ORZAMENTO da actividade ou investimento concreto e determinado, con desglose das partidas económicas de gasto previstas e con indicación da procedencia dos ingresos cos que se conte para financiar a actividade e/ou actuación (ANEXO IV).
c) DECLARACIÓN responsable na que conste expresamente se a asociación ou entidade solicitou e/ou obtivo calquera outra axuda, subvención, ingreso ou recurso económico para financiar a actividade subvencionable, comprometéndose, así mesmo, a comunicarlle ó Concello de Ribadumia as axudas e/ou subvencións que se obteñan no futuro, no prazo de 10 días hábiles desde a súa concesión (ANEXO V).
d) DECLARACIÓN responsable de estar ó corrente nas obrigas tributarias estatais e autonómicas e da Seguridade Social, así como de non ter débedas co Concello de Ribadumia nin estar incurso en ningunha das causas de prohibición legalmente establecidas para a percepción de axudas ou subvencións públicas (ANEXO VI).
e) Copia da ACTA da asemblea de socios na que se designa a directiva da entidade beneficiaria.
f) CERTIFICACIÓN asinada pola xunta directiva correspondente que recolla o número de socios totais da entidade, con indicación expresa do número de socios que están ó día no pagamento da cota correspondente ó ano en que se solicita a axuda. No caso de que non haxa establecida unha cuota, declaración responsable neste sentido con indicación do nome e apelidos dos socios existentes.
g) Copia da ACTA de aprobación das contas da entidade correspondentes ó exercicio contable inmediatamente anterior ó ano en que se solicita a axuda.
Arquivo/s adxunto/s
