ACTUALIDADE - ÚLTIMAS NOVAS

Publícase a listaxe provisional de candidatos a xurado, que se obtivo a través da lista do censo electoral.

Esta listaxe está publicada tamén no taboleiro de anuncios no Concello de Ribadumia.

Número total de candidatos: 7

-Enmanuel Abeledo Perez

-Felix Casal González

-Ernesto Falcon Barreiro

-Carmen Juncal Alvarez

-María Pilar Noya Sineiro

-Alexandre Portas Otero

-Nuria Suarez Aragunde

Máis información no documento adxunto. 

Arquivo/s adxunto/s

• Arquivo adxunto-1

O Concello de Ribadumia resultou beneficiario da condición de entidade colaboradora do proxecto “+EMPREGA NOS CONCELLOS” da Provincia de Pontevedra 2024/2025 no marco do plan de fomento da empregabilidade.

No marco desta colaboración, o Concello de Ribadumia vai a seleccionar un Técnico Superior en Educación Infantil e un xornalista. As bases que rexerán o proceso de selección xunto cos requisitos necesarios para poder presentarse aos postos e o prazo e forma e presentacion da solicituide, pódense consultar nas bases dos procesos de selección dispoñibles na páxina web do concello dentro do apartado orientación laboral>ofertas de emprego, no taboleiro de anuncios das oficinas municipais ou na sede electrónica do Concello de Ribadumia no taboleiro de anuncios.

A contratación será de carácter laboral e temporal na modalidade de contrato formativo para adquirir práctica profesional axeitada ao correspondente nivel de estudos, a xornada completa e por un período máximo de 12 meses. 

O Concello de Ribadumia informa de que o sábado 26 de outubro é o día elixido finalmente para a celebración da VII Festa do Deporte do municipio. Indicar que o xurado reuniuse o día 9 de outubro para deliberar e votar ás e os candidatos propostos nesta nova edición. O xurado estivo conformado, segundo as bases, por:

- O concelleiro de Deportes ou persoa na que delegue, que actuará como presidente do xurado.

- Un técnico municipal, que exercerá como secretario.

- Un representante de cada un dos grupos políticos con representación municipal.

- Os gañadores do ‘Mérito Deportivo’ das anteriores edicións.

- Un representante especializado en deportes de cada un dos medios de comunicación con maior difusión na comarca.

Se queres coñecer os e  as finalistas podes acceder ao documento adxunto onde están ordenados por orde alfabética, en canto ás e os gañadores poderás coñecelos o día da VII Festa do Deporte o vindeiro 26 de outubro ás 19:00h no Auditorio Municipal de Ribadumia.

Arquivo/s adxunto/s

• Arquivo adxunto-1

O Concello de Ribadumia informa de que xa está aberto o prazo de presentación de candidaturas para a “VII Festa do Deporte”. Todo aquel que o desexe poderá presentar as súas propostas dende o 20 de setembro ata o 4 de outubro. Para facelo, os/as interesados/as deberán descargar os formularios na plataforma do Concello (www.omeuconcello.ribadumia.org), ou solicitalos nas propias oficinas da Casa Consistorial. 

Para coñecer todos os detalles sobre estes galardóns, os interesados poden consultar as bases da “Festa do Deporte” na plataforma do Concello.

Arquivo/s adxunto/s

• Arquivo adxunto-1

        O concello de Ribadumia vén de recibir unha subvención que ten por obxecto a prestación de servizos de  “Arquivo de documentación no Concello de Ribadumia”.

 Solicitouse esta subvención para cubrir unha necesidade baseada en continuar durante este ano, as tarefas executadas xa nunha primeira fase no ano 2023, de mellora da eficiencia do Arquivo municipal e optimización dos despachos e espazos na Casa Consistorial que actualmente conteñen documentación antiga.

   O obxecto do contrato consiste, por unha banda en continuar coa descrición dos fondos documentais do Concello de Ribadumia que aínda se atopan sen describir na base de datos que o persoal usa neste momento ATOM, tal e como se veu facendo de xeito histórico e, por outra na recollida de documentación das diferentes oficinas do Concello co fin de alixeirar tanto as dependencias municipais como a operativa diaria dos traballadores, e ser así mais eficaces de cara á cidadanía.

Arquivo/s adxunto/s

• Arquivo adxunto-1

O Concello está a levar a cabo os labores de desbroce nos diferentes rueiros do municipio para completar os traballos de limpeza nos lugares onde a maquinaria pesada non puido chegar. Comezaron en Sisán e iranse estendendo ao longo das parroquias ata rematar en Lois.

    Como cada ano o Concello desenvolve actuacións de limpeza coa finalidade de manter o acondicionamento das rúas e favorecer o paso tanto dos vehículos como dos peóns pola vía pública. Con estas tarefas de mantemento evítase que a maleza destes espazos invada os camiños e así poder ter os camiños limpos e despexados.

Arquivo/s adxunto/s

• Arquivo adxunto-1
• Arquivo adxunto-2

       O Concello de Ribadumia, a través do programa de mantemento da Deputación De Pontevedra co que colabora cos concellos mediante a achega de maquinaria e de persoal para mellorar os campos, pon en marcha os  labores de mantemento nos campos de fútbol de A Senra e a Bouza.

     Os traballos consisten en labores de limpeza e retirada de elementos non desexados, descompactación do céspede e/ou da carga para que non perda calidades de amortecemento, cepillado da cuberta artificial para evitar a perda de elasticidade e rozamento e medios para a reposición de area e caucho.

Arquivo/s adxunto/s

• Arquivo adxunto-1
• Arquivo adxunto-2
• Arquivo adxunto-3

O venres pola tarde tivo lugar no Auditorio de Ribadumia o tradicional festival de fin de tempada da Escola de verán.  Foi necesario realizalo en dúas sesións debido ao elevado número de usuarios e usuarias. 

Desfrutamos de actuacións diversas, entre as que detacaron as coreografías das cancións de actualidade, así coma maxia ou gags cómicos fixeron as delicias do público asistente.

Arquivo/s adxunto/s

• Arquivo adxunto-1
• Arquivo adxunto-2
• Arquivo adxunto-3
• Arquivo adxunto-4

As obras que se están a desenvolver remodelarán o núcleo urbano de Barrantes, ao dotar este espazo, que transitan a diario máis de 500 nenos e nenas, de beirarrúas máis amplas e zonas de estacionamento para dar servizo aos autobuses escolares que acceden á contorna.

Tamén se construirán pasos de peóns sobre elevados para garantir a seguridade viaria e instalarase unha rede soterrada de telecomunicacións e de alumeado, así como novas luminarias. Ademáis, executarase unha rede de drenaxe, crearanse zonas axardinadas, instalarase mobiliario urbano e nova sinalización.

Arquivo/s adxunto/s

• Arquivo adxunto-1
• Arquivo adxunto-2
• Arquivo adxunto-3

O concello de Ribadumia ven de executar o proxecto “MELLORA DA CONTORNA DO CRUCEIRO DE LEIROMEAN. PARROQUIA DE LEIRO”. O investimento total para a execución ascendeu a dous mil setecentos setenta e seis euros con noventa céntimos (2.776,90€) mais o IVE correspondente, cincocentos oitenta e tres euros con quince céntimos (583,15€), o que supuxo unha inversión total de 3.360,05€.

A actuación está financiada totalmente pola Deputación de Pontevedra que contribuíu coa achega dunha subvención para a supresión da simboloxía franquista nos espazos públicos e a rehabilitación e sinalización do patrimonio histórico cultural dirixidas aos concellos da provincia de Pontevedra para o ano 2023.

O investimento realizado permitiu a mellora da imaxe xeral dun elemento de importante valor etnolóxico, continuando coa aposta decidida do Concello de Ribadumia pola recuperación e posta en valor dos elementos históricos de utilidade pública que veñen acompañando a historia e a vida diaria das parroquias e lugares do municipio.

Ábrese o prazo para o novo curso 2024/2025. As inscricións pódense facer nas oficinas do Concello, dende o día 16 ata o día 30 de agosto (ambos inclusive).

O Concello de Ribadumia recibe cada día a visita de centos de peregrinos. En moitos casos, debido ao gran número de peregrinos que fan o camiño en grupo, fan preciso dispor de espazos amplios para descanso e pernocta, polo que o Concello de Ribadumia cede as súas instalacións aos peregrinos que o soliciten.

Ribadumia xa deu acollida a un grupo de 29 peregrinos procedentes de Esplai, Barcelona, outro grupo de 100 persoas de Ávila e espera recibir en breve outros grupos procedentes de Portugal e León.

Arquivo/s adxunto/s

• Arquivo adxunto-1

A consellería de Cultura, Lingua e Xuventude, ven de publicar a Resolución de 5 de xullo de 2024, da Secretaría Xeral da Lingua , pola que se conceden subvencións ás entidades locais de Galicia para a promoción do uso da lingua galega, ao abeiro da convocatoria regulada na Orde do 13 de marzo de 2024.

O Concello de Ribadumia resultou beneficiario dunha achega de 3.397,17€.

O proxecto de dinamización da lingua, presentado polo Concello de Ribadumia, incluíu a actuación en 5 eidos: servizos sociais, perspectiva de xénero e igualdade, tecnoloxias da información e da comunicación e mocidade e deportes.

Arquivo/s adxunto/s

• Arquivo adxunto-1
• Arquivo adxunto-2

O Concello de Ribadumia informa que esta mesma semana deron comezo os traballos de limpeza e mantemento dos contedores verdes ubicados ao longo do municipio.

En total, preto de 700 contedores se limparán nos próximos días nas súas ubicacións actuaís.

Deste xeito os contedores lavaránse mediante un vehículo lavacontenedores de alta presión xusto despois do seu vaciado. Vehículo que ademáis vai permitir evitar un excesivo consumo de auga, e minimizar o tempo de limpeza de cada contenedor e polo tanto dos traballos en xeral.

Arquivo/s adxunto/s

• Arquivo adxunto-1
• Arquivo adxunto-2
• Arquivo adxunto-3

Esta fin de semana desputarase a "30 Baixada Internacional do Río Umia 2024" o sábado 6 de xuño ás 17:00h, e o domingo 7 de xullo ás 17:00h seguimos coa "III Competición Liga Provincial Pontevedra de piragüismo".

Na futura comunidade enerxética local do concello de Ribadumia, ademáis do propio concello, poderán participar a veciñanza, o comercio e a hostalaría local que así o desexe, sempre que se atopen nun radio máximo de 2 quilómetros en relación ao punto de produción da enerxía fotovoltaica. O aproveitamento da enerxía fotovoltaica supón un considerable aforro nas facturas enerxéticas das persoas que participen da comunidade enerxética local. O desexo do alcalde é que se destine unha porcentaxe da enerxía fotovoltaica producida para ás persoas en situación de vulnerabilidade enerxética.

   A intención do concello é a creación dunha comunidade enerxética local e poñer a disposición desta as cubertas dos edificios de titularidade municipal para a instalación dos paneis fotovoltaicos que xeren enerxía renovables para o autoconsumo colectivo. 

Arquivo/s adxunto/s

• Arquivo adxunto-1

     No Concello de Ribadumia  levouse a cabo a primeira instalación fotovoltáica nas instalacións do complexo náutico deportivo de Cabanelas, permitindo así unha modalidade de suministro de autoconsumo con excedentes de acollida a compensación, o que supón un aforro estimado do 20%. Un sistema de xeración eléctrica que transforma a radiación solar en enerxía eléctrica renovable mediante o efecto fotovoltáico. Levaránse a cabo tamén na casa da cultura de Ribadumia e no complexo deportivo de Barrantes. 

Arquivo/s adxunto/s

• Arquivo adxunto-1

Dende o Concello, ante a inminete apertura, xestionamos a solicitude ou renovación do carné para poder acceder ao recinto. A documentación a presentar é:

·        Fotocopia do DNI

·        2 Fotos tamaño carné

·        Fotocopia da tarxeta sanitari

·        Dirección actual

·        Número de teléfono

Arquivo/s adxunto/s

• Arquivo adxunto-1