Nota informativa sobre a gripe aviaria de interese para as persoas titulares de corrais avícolas familiares 19/4/17
A Orde APA/2442/2006, de 27 de xullo, pola que se establecen medidas específicas de protección en relación coa influenza aviaria, sinala a obrigatoriedade de crear un rexistro administrativo de explotacións avícolas non comerciais (currais familiares) en determinadas zonas de especial risco de aparición da gripe aviaria, entre as que se atopa Ribadumia.
Este rexistro só ten por finalidade o coñecemento por parte da Consellería do Medio Rural da existencia e localización destes currais, información necesaria desde o punto de vista da sanidade animal para tomar as medidas preventivas necesarias no caso de aparición da gripe aviaria no noso territorio. O rexistro non ten ningunha outra finalidade nin supón ningún custe económico, polo que non lle ocasiona ningún prexuízo ás persoas titulares destes currais.
Se precisa máis información pode dirixirse ao concello ou aos Servizos Veterinarios Oficiais da Oficina Agraria Comarcal máis próxima. Ademais, a Consellería do Medio Rural puxo á súa disposición o número de teléfono 012, onde pode comunicar calquera mortalidade ou enfermidade anormal que observe nas súas aves e que poda ser sospeitosa da gripe aviaria.
Arquivo/s adxunto/s
